Tveir nýggir stjórar í Poul Hansen-samtakinum

Poul Hansen-samtakið hevur gjørt bygnaðarbroytingar og sett tveir nýggjar stjórar, at reka framtíðarvirksemið hjá samtakinum.

Tey eru Bára Hansen, sum er dóttir fyrrverandi stjóran, Høgna Hansen, og Tony Rasmussen.

Høgni Hansen, sum eigur og hevur stjórnað samtakinum seinastu 35 árini, verður nú arbeiðandi nevndarformaður.

Poul Hansen-samtakið hevur eisini stovnað nýtt holdingfelag, Poul Hansen Holding, við verandi partaeigara, sum fer at eiga tvey ymisk partafeløg.

Annað verður P/F Poul Hansen, ið fer at reka Poul Hansen heilsølu, Gastro, Krás og annað handilsvirksemi, meðan hitt verður P/F Bryggjubakki, sum fer at fáast við íløgur, fastognir, dótturfeløg og annað virksemi.

Høgni Hansen verður arbeiðandi nevndarformaður fyri P/F Poul Hansen og P/F Bryggjubakki. Bjarne P. Bak, Rodmundur Nielsen og Bára Hansen verða nevndarlimir í báðum feløgunum.

Bára Hansen verður stjóri fyri P/F Bryggjubakki, meðan Tony Rasmussen verður stjóri fyri P/F Poul Hansen.