Fegnast um, at pensjónin verður mótroknað so hvørt

- Vit fegnast um, at fólkapensjónin í framtíðini skal mótroknast so hvørt, tá ið ein pensjónistur arbeiðir frammíhjá.

Tað sigur forkvinnan í Landsfelag Pensjónista.

Beate L. Samuelsen sigur, at málið um mótrokningina í pensjónini hevur verið eitt av teimum stóru málunum, sum Landsfelag Pensjónista hevur arbeitt við.

- Nógvir limir hava vent sær til landsfelagið, tí tað hevur ørkymlað teir, at teir knappliga fáa eina rokning, tá eitt hálvt ár ella so er liðið, tí teir hava forvunnið ov nógv árið fyri, sigur Beate L. Samuelsen. Hon leggur aftrat, at summir pensjónistar hava trupult at skilja ta stundum torgreiðu lógina. 

Eftir verandi skipan kann ein pensjónistur forvinna slakar 62.000 krónur uttan at nakað hendir, men fer forvunna inntøkan upp um hesa upphædd, so skal mótroknast. Tað merkir, at tá árið er lokið verður gjørt upp, og pensjónisturin fær  eina rokning at gjalda.

Hoyr innslag í útvarpstíðindunum: