Trump og Putin hittast í kvøld

Í kvøld klokkan 20, føroyska tíð, hittast amerikanski forsetin, Donald Trump, og russiski forsetin, Vladimir Putin, í Anchorage í Alaska.

Undan fundinum sigur amerikanski forseti seg hava góðar vónir, tí hann hevur fingið frið í lag í seks kríggjum seinastu seks mánaðirnar, segði Donald Trump á tíðindafundi í gjárkvøldið.

 

 

Tór Marni Weihe. 

 

Tór Marni Weihe, Ph.D. lesandi á Fróðskaparsetrinum og kønur í russiskum viðurskiftum, segði í tíðindunum týsdagin, at hann væntar ikki, at nakað ítøkiligt kemur burtur úr fundinum í dag viðvíkjandi krígnum í Ukraina:

 

 

 

Kim Bildsøe Lassen. (Mynd: DR)

 

Hetta fyrstu ferð í seks ár, at Donald Trump og Vladimir Putin hittast andlit til andlits.

Teir báðir skulu sita yvir avhvørjum øðrum tveireinir í einum rúmi, við tveimum tulkum, meðan roynt verður at koma til eitt úrslit, sum báðir kunnu liva við.

Harumframt skal gerast greitt, um Ukraina skal haldast hernaðarliga uttanveltað ella ikki - og greið mørk skulu vera fyri, hvussu stórur ukrainski herurin kann vera í framtíðini.

Kim Bildsøe Lassen, tíðindamaður hjá danska kringvarpinum í USA, er staddur í Anchorage í Alaska, og hann sigur, at tað ber ikki til frammanundan at siga, hvat kemur burtur úr fundinum, tí Trump er so óútrokniligur:

 

 

 

(Mynd: Nathaniel Wilder/Reuters/Ritzau Scanpix)

 

Í Anchorage lata tey ongan iva vera um, hvar samhugin er.

Tí undan fundinum í dag var skipað fyri mótmælisgongu til frama fyri Ukraina seint seinnapartin í gjár lokala tíð.

Lettiska ríkissjónvarpið, sum eisini er í Anchorage, sigur, at fleiri hundrað fólk hava gingið mótmælisgongu bæði í gjár og í dag, og ukrainsk fløgg veittra allastaðni í býnum.