Breddin: Støðan í Evropa eftir toppfundirnar

Hans Andrias Sølvará, søgufrøðingur, og Tór Marni Weihe, kønur í russiskum viðurskiftum, vera í útvarpsstovuni

Ukrainski forsetin, Zelenskyj, og amerikanski forsetin, Trump, í Hvítu húsunum í gjár.

Mynd: Kevin Lamarque/Reuters/Ritzau Scanpix

19.08.2025 - 09:03

Í gjár hittust amerikanski forsetin, Donald Trump, og ukrainski starvsbróðir hansara, Volodomyr Zelensky, og fleiri evropeiskir leiðarar í Washington DC, eftir at Donald Trump hitti russiska forsetan, Vladimir Putin, í Alaska fríggjadagin.

Í sendingini í dag viðgera vit støðuna í Evropa eftir toppfundin í gjár og støðuna síðsta fríggjadag, tá ið Trump og Putin hittust at tosa um landamørk í Evropa.

Vladimir Putin og Donald Trump í Alaska

Donald Trump og Vladimir Putin hittust í Alaska fríggjadagin. (Andrew Caballero-Reynolds/AFP/Ritzau Scanpix)

Hvat eru útlitini fyri friði eftir fundin í gjár, og hvørjar avleiðingar fær tað, um tað ikki eydnast at fáa semju millum ukrainska og russiska forsetan?

Tveir serfrøðingar vera í útvarpsstovuni. Teir eru Hans Andrias Sølvará, søgufrøðingur, og Tór Marni Weihe, ph.d-lesandi á Setrinum og kønur í russiskum viðurskiftum.