Brekumboðið: Vilja hava fleiri umsóknir

Starvið sum brekumboð verður nú lýst leyst av nýggjum, tí setanarnevndin vil hava fleiri umsóknir. Fimm umsóknir komu inn, tá tað var lýst herfyri. Men tað er ikki tí, at tey fimm ikki eru nóg kvalifiserað, sigur Jeanette Ellefsen Blaasvær, deildarstjóri í Almanna- og mentamálaráðnum.

Starvið er tíðaravmarkað í fimm ár, men kann leingjast trý ár. Tað er ein politisk avgerð, at nýggja brekumboðið skal hava skrivstovu í Klaksvík.