- Tíðindi, mentan og ítróttur
SEV brúkar 10 mió. kr. afturat til at kanna pumpuskipan í Vestmanna
SEV brúkar 10 mió. kr. afturat til at kanna pumpuskipan í Vestmanna
Eykaaðalfundurin hjá SEV hevur samtykt at geva nevndini heimild at brúka 10 mió. kr. afturat til at kanna verkætlanina Mýruverkið-2, sum er pumpuskipanin omanfyri Vestmanna
Haraldur Hammer, nevndarformaður í SEV, fegnast um greiða meirilutan, ið hann hevur fingið frá eykaaðalfundinum at kanna pumpuskipanina í Vestmanna
29.08.2025 - 12:52
SEV heldur fram við at kanna verkætlanina Mýruverkið-2, sum er pumpuskipanin oman fyri Vestmanna.
Eykaaðalfundurin hjá SEV hevur fyrrapartin tikið støðu til, um nevndin skal fáa heimild at brúka 10 milliónir krónur afturat til at kanna verkætlanina, sum varð steðgað í fjørsummar, tá kostnaðarmetingin var komin upp á 2,2 milliardir krónur, umleið 900 milliónir meira enn upprunaliga mett.
Frammanundan eru brúktar umleið 60 milliónir krónur til at kanna hesa verkætlan, ið av mongum er mett at at vera ein fortreyt fyri grøna orkuskiftinum, tí á henda hátt ber til at goyma grøna orku.
Frá SEV-fundinum fyrrapartin.
Stórur meiriluti av aðalfundinum gav nevndini heimild at brúka 10 milliónir afturat. Heili 65 atkvøður vóru fyri og átta atkvøður vóru ímóti.
Haraldur Hammer, nevndarformaður í SEV, fegnast um greiðu heimildina frá eykaaðalfundinum at fara víðari við verkætlanini.
Hoyr samrøðuna við Harald Hammer, nevndarformann, her:
Haraldur_Hammer_SEV_samroda
Er kopiera
Nýggjastu sendingar í ÚV
Nýggjastu sendingar í SV
