Prestur: Bíbilsk nøvn væl umtókt

Flest vilja hava stutt navn.

Tað sigur Heri Joensen, sóknarprestur, sum sjálvur hevur stóran áhuga í nøvnum og hevur doypt børn í ein mansaldur.

Bíbilsku nøvnini halda fram at vera væl umtókt, og einki bendir á, at bíbilsku nøvnini fara av móta, sigur hann. 

Hoyr innslag í útvarpstíðindunum: 

Átta fingu navnið Nóa í fjør

Nóa var best umtókta navnið, sum dreingir føddir í 2024, fingu. 

Átta dreingir fingu navnið Nóa. 

Seks dreingir fingu navnið Jákup, skrivar Hagstovan.

Onnur vælumtókt nøvn eru Matteo, Brandur, Eiri og Elias.

Sjey dreingir, sum vóru føddir í fjør, hava ikki fingið navn enn. 

Navnið Nóa er nýtt í Føroyum, -  tað var fyrstu ferð brúkt í 2002.

Nú búgva 76 dreingir og menn, sum eita Nóa í Føroyum.