Skuldsettur fyri hóttanir og sálarligan harðskap - er latin leysur

Maðurin, sum er skuldsettur fyri hóttanir, sálarligan harðskap og brot á tilhald, er latin leysur.

Hann var varðhaldsfonglaður 4. juli.

Maðurin, sum er 59 ára gamal, er skuldsettur fyri at hótta eitt fólk eftir lívinum fimm ferðir á sosialum miðlum. 

Hann er eisini skuldsettur fyri sálarligan harðskap og fyri at bróta tilhald.

Maðurin játtaði, at hann hevði skrivað boðini, men noktar, at talan var um hóttanir.

Dómsviðgerðin í Føroya rætti verður 18. september.