Varaforsætisráðharrin í Bretlandi hevur lagt frá sær

Bretski varaforsætisráðharrin, Angela Raynor, hevur lagt frá sær í dag, skrivar BBC. 

Orsøkin er, at hon hevur goldið ov lítið í skatti fyri eina íbúð, hon eigur har suðuri í landinum, og tað hevur hon eisini viðgingið. 

Í fráfaringarbrævinum til undirhúsið skrivar hon, at hon tekur fulla ábyrgd av mistakinum, um ikki fáa sær eyka ráðgeving um skatt, tá hon keypti íbúðina. 

Angela Raynor hevur eisini lagt frá sær sum varaforkvinnna í Labour. 

Flokkurin vann síðsta summar parlamentsvalið við stórum sera stórum meiriluta, og fekk 412 av 650 tinglimum í undirhúsinum.

At  Angela Raynor hevur lagt frá sær, hevur við sær, at Keir Starmer, forsætisráðharri, noyðist at umskipa stjórnina.

Men stutt eftir parlamentsvalið í fjør, kom Labour undir trýst, tá ið tað kom undan kavi, at Keir Stormer í andstøðu hevði tikið ímóti gávum fyri 107.000 pund, frá 2019 til 2024.