Framburðsflokkurin er størsti andstøðuflokkur í Noregi

Framburðsflokkurin er størsti andstøðuflokkur í Noregi.

Flokkurin meira enn tvífaldaðist á stórtingsvalinum í gjár. Hann fekk tilsamans 23,9 prosent av atkvøðunum, og fór úr 21 tinglimum upp í 48.

Í takkarrøðu síni í gjárkvøldið fegnaðist forkvinnan í Framburðsflokkinum um, at flokkurin fekk sítt besta val higartil.

Sylvi Listhaug ásannaði samstundis, at vinstrivongurin við Jonas Gahr Støre á odda fer at stýra landinum næstu fýra árini - men tað verður trupult hjá honum at stýra, legði hon afturat:

 
Arbeiðaraflokkurin hjá Jonas Gahr Støre gjørdist størsti flokkur, og reyð-grøni vongurin fekk greiðan meiriluta við 87 tinglimum. 

Høgrivongurin fekk 82 tingsessir. 85 tinglimir skulu til fyri at fáa meiriluta í stórtinginum.