Nýggjur forsætisráðharri í Fraklandi

Sébastien Lecornu er nýggjur forsætisráðharri í Fraklandi.

Hann er fimti forsætisráðharrin, sum Emmanuel Macron, forseti, hevur tilnevnt seinastu tvey árini, skrivar norska kringvarpið.

Sébastien Lecornu er fyrrverandi verjumálaráðharri. 

Franska tjóðartingið samtykti mánakvøldið misálit á François Bayrou, forsætisráðharra.

364 atkvøður vóru fyri og 194 ímóti, og tað hevði við sær, at minnilutastjórn hansara fall.

Orsøkin var politisk ósemja um sparingar, sum Bayrou ætlaði at fremja fyri at minka um almennu skuldina  í Fraklandi.