Mattias H. Lamhauge besti málverji í Superliguni hetta umfarið

Í FC Fredericia er tey errin av, at føroyski landsliðsmálverjin, Mattias H. Lamhauge, sum mánakvøldið slapp at verja málið í søguligu grannauppgerðini móti Vejle, eru valdur til besta málverja hetta umfarið í Superliguni. 

Tað hevur eingin FC Fredericia-málverji megnað áður. 

Á sínum Facebook-vanga skrivar FC Fredericia:

𝐃𝐞𝐧 𝐅æ𝐫ø𝐬𝐤𝐞 𝐤æ𝐦𝐩𝐞 𝐩å 𝐫𝐮𝐧𝐝𝐞𝐧𝐬 𝐡𝐨𝐥𝐝 

2 landskampe for Færøerne med titlen som kampens spiller og velsagtens også vores vigtigste mand i gårsdagens opgør - nu også på Rundens Hold i 3F Superliga og dermed den første målmand i FC Fredericias historie til at få sådan en hædring 

Stærkt Lam 

Rundens Hold i 3F Superliga

Endaði við javnleiki

Grannauppgerðin millum FC Fredericia og Vejle endaði við javnleiki 1-1. 

Mattias H. Lamhauge var eyðsýndur og bjargaði í fleiri støðum væl, men hann hevði ongan møguleika at bjarga skotinum, tá Amin Chiakha legði Vejle á odda í 64. minutti. 

Mattias H. Lamhauge fekk eisini góð skoðsmál fyri avrikið í donsku miðlunum, og ikki minst í lokala miðlinum, Fredericia Dagblad. Nú ver spennandi at vita, um Mattias fer at klára at halda nýinnkeypið úr Burnley, enska U21-landsliðsmálverjan, Etienne Green, á bondinum.  

Bestu bitarnir frá dystinum og hagtøl kunnu síggjast HER. 

Frálík landsliðsavrik

Mattias Lamhauge stóð báðar landsdystirnar hjá Føroyum í september.

Hann taldist millum bestu spælararnar, og serliga avrikið á Tórsvølli í 1-0 tapinum fyri Kroatia var gott.