- Tíðindi, mentan og ítróttur
Matvørur hava givið landskassanum meira enn tvær milliardir í sjey ár
Matvørur hava givið landskassanum meira enn tvær milliardir í sjey ár
Handilsvinnufelagið sigur, at hetta vísir, at stórur partur av prísinum fyri matvørur fer beinleiðis í landskassan
Stórur partur av prísinum á matvørum fer beinleiðis í landskassan, sigur Handilsvinnufelagið, sum hevur tølini frá Taks. (Savnsmynd: Bjarni Árting Rubeksen)
Mynd: Bjarni Árting Rubeksen (savnsmynd)
30.09.2025 - 08:09
Frá 2017 til 2024 hevur landskassin fingið meira enn 2,2 mia. kr. í meirvirðisgjaldi, tollum og avgjøldum á matvørum.
Bara í fjør vóru inntøkurnar 325 mió. kr.
Tær vóru 230 milliónir í 2017.
Tað sigur Handilsvinnufelagið.
Hetta vísir, sigur felagið, at stórur partur av prísinum fyri matvørur fer beinleiðis í landskassan.
Árini 2017-2024 hevur landskassin fingið 1,8 mia. kr. í meirvirðisgjaldi fyri matvørur, 57 mió. kr. í GATT-tolli og 400 milliónir í punktgjøldum.
Handilsvinnufelagið hevur tølini frá Taks.
Er kopiera
Nýggjastu sendingar í ÚV
Nýggjastu sendingar í SV
