Ukraina-kritiskur miljarderur og flokkur hansara vunnið kekkiska valið

71 ára gamli miljarderurin og fyrrverandi kekkiski forsætisráðharrin, Andrej Babis, lýsir seg sjálvan sum ein "trumpist".

Hann vil seta "Kekkia fyrst" og skerja hjálpina hjá landinum til Ukraina.

Og ábendingar eru um, at dagsskráin hjá Babis og flokki hansara, ANO, talar til ein stóran part av fólkinum.

Leygarkvøldið stóð flokkurin til at fáa næstan 35 prosent av atkvøðunum, eftir at 99 prosent av atkvøðunum vórðu taldar upp, skrivar Reuters.

Núverandi stjórn stendur í løtuni á odda fyri miðhøgra rørsluni, Spolu, og tey fingu 23 prosent av atkvøðunum.

Hetta merkir, at Babis kann gerast nýggjur forsætisráðharri í landinum, og sambært milliardaranum sjálvum fer flokkurin at skipa eina einflokkastjórn, men ætlar at hava tveir smærri flokkar at samstarva við fyri at fáa avgjørdan meiriluta.

- Andrej Babis er valdur vegna sína "Kekkia Fyrst" dagsskrá, metir Evropa-tíðindafólkið hjá DR, Anna Gaarslev.