Stjórnarkreppa: Macron undir hørðum trýsti

Trýstið veksur á franska forsetan, Emmanuel Macron, eisini frá sameindum, um at loysa politisku kreppuna í landinum.

Í gjár heitti fyrsti forsætisráðharri hansara, Édouard Philippe, á Macron um at leggja frá sær til frama fyri landið.

Macron, sum hevur sitið við valdinum síðani 2017, er í álvarsamastu innanríkispolitisku kreppuni í síni tíð sum forseti. Mánadagin legði sjeyndi forsætisráðharrin hjá honum, Sébastien Lecornu, frá sær.

Freist til í kvøld

Forsetin hevur givið Lecornu freist til í kvøld at fáa í lag eitt burðardygt stjórnarsamstarv, men útlitini fyri eini loysn verða lýst sum ring. Um royndirnar miseydnast, kann Macron senda tjóðartingið til hús og skriva út val.

Í gjárkvøldið hitti Macron leiðararnar í bæði tjóðartinginum og senatinum, upplýsir ein stjórnarkelda. 

Fundirnir kunnu benda á, at hann fyrireikar møgulig val, tí slíkar samráðingar eru krav, áðrenn tjóðartingið verður sent heim, skrivar AFP-tíðindastovan.