Reiðarafelagið: Veðurlagslógin skal ikki umfata handilsskip

Eingin ivi eigur at vera um, at veðurlagslógin, sum er á veg, ikki umfatar handilsskip.

Tað er ikki ásett i lógini, men stendur í viðmerkingunum um lógina. 

Reiðarafelagið fyri handilsskip mælir til, at tað staðiliga verður ásett í sjálvari lógini, so eingin ivi er.

Reiðarafelagið fyri handilsskip sigur, at vit í Føroyum eiga at halda okkum til IMO-krøv um útlát og ikki áseta serstøk krøv.

Einki útlát í 2050

IMO, sjóvinnufelagsskapurin hjá ST, hevur sett sær fyri, at útlátið verður netto null í 2050.

Reiðarafelagið fyri handilsskip sigur, at landstreymur kann gera, at útlátið frá skipum minkar.  

Tvær milliónir krónur eru til landstreym í fíggjarlógini fyri 2025.

Í uppskotinum um 2026 eru fýra milliónir. Og ætlanin er at lata fimm milliónir í 2027.

Les uppskotið, sum er sent til hoyringar, her.