Uttanlandsnevndin viðger framvegis uppskotið um revsitiløk

Uttanlandsnevndin hjá løgtinginum er enn ikki liðug við at skriva álit í lógaruppskotinum, sum gevur landsstýrinum víðari heimildir at seta revsitiltøk í verk móti Russlandi.

Longda freistin hjá nevndini var úti mikudagin, men á stutta tingfundinum í dag, har bara framløga var á skránni, kom einki álit úr Uttanlandsnevndini.

Bjarni Hammer, formaður í nevndini, sigur, at álitið væntandi kemur úr nevndini í næstu viku.

Hann veit enn ikki, um nevndin verður samd um eitt álit, ella talan verður um fleiri minnilutaálit.

Herfyri bað annað av russisku reiðaríunum, sum landsstýrið vil seta á svartalista í Føroyum, um loyvi at tala sína sak í Uttanlandsnevndini hjá løgtinginum.

Sleppa ikki í uttanlandsnevndina, men fáa svar

Í átta síður drúgvum skrivi til nevndina sigur advokaturin hjá Noribo, at eingi prógv eru fyri teimum uppáhaldum um ólógligt virksemi, ið ES hevur ført fram móti reiðarínum, og onnur lond síðani hava tikið undir við.

Bjarni Hammer sigur, at uttanlandsnevndin gongur ikki ynskinum hjá Noribo á møti. 

- Men reiðaríið fær eitt skriv frá uttanlandsnevndini, har vit vísa á, at teirra sjónarmið verða tikin við í viðgerðina, sigur Bjarni Hammer.

Sirið Stenberg

Frítekst tagging: 

Sirið Stenberg

Bjarni Árting Rubeksen

Í gjár vóru 11 vikur síðani Sirið Stenberg, landsstýriskvinnaí uttanríkismálum, legði fram lógaruppskotið fyri tingið. (Mynd: Bjarni Árting Rubeksen)

Á svartalista

Umframt Noribo vil landsstýrið eisini hava lógarheimild at seta Murman SeaFood á svartalista. Bæði feløg fiska í føroyskum sjógvi sambært fiskiveiðiavtaluni millum Russland og Føroyar.
 
Í gjár vóru 11 vikur síðani Sirið Stenberg, landsstýriskvinnaí uttanríkismálum, legði fram lógaruppskotið um víðkaðar heimildir at seta revsitiltøk í verk móti Russlandi. 1.viðgerð var 28. august, og málið hevur síðani ligið í uttanlandsnevndini.