Málini: Hákun sjey og dagsins maður

Einasti føroyingurin, sum tóktiskt hava yvirvág ímóti supermálverjanum hjá Danmark, Emil Nielsen, var Hákun West av Teigum.

Honum so líkt, helt høgri vongurin høvdið kalt, mestsum hvørja ferð, hann fekk kjansin. 

Meðan fleiri aðrir misnýttu ferð eftir ferð, fekk Hákun West av Teigum sníkt bóltarnar innum hann, sum tey flestu munnu meta sum heimsins besta málverja, sama hvussu lítil vinkulin var.

Eitt av málunum kom meir ella minni av baklinjuni og hjálpti Føroyum burturúr eini torførari løtu.

Treyðugt so, Emil Nielsen fekk eisini fatur á onkrum skoti frá Füchse Berlin-vonginum. Danin tók fyrst eitt brotskast, og síðan stórbjargaði hann, tá Hákun West av Teigum fekk gott pláss av vonginum.

Um kanska føroyingurin var við yvirlutan í tvídystinum ímóti Emil Nielsen, var tað Danmark, sum var ruddiliga við yvirlutan í dystinum. Dysturin endaði 39-24 til danir.

Sí øll sjey málini, sum Hákun West av Teigum skoraði ímóti Danmark í Golden League-dystinum í Trónheimi.