Tilmæli um nýskipan kosta nakrar hundrað túsund krónur

Løgmansskrivstovan hevur biðið løgtingið um 300.000 kr. til nýskipanarnevndina næsta ár.

Seks nevndarlimir fáa fundarsamsýning og møguligar koyripengar. 

Biðið verður um 300.000 kr. til hetta í uppskotinum um fíggjarlóg fyri 2026.

Í ár verður kostnaðurin goldin av játtanini, sum Løgmansskrivstovan hevur. Ikki verður neyðugt at biðja um eykajáttan. 

Nevndin var sett í september.

Tað upplýsir Løgmansskrivstovan í innliti, Kringvarpið hevur fingið.