Nýggj skipan skal gera eftirlitsarbeiðið hjá TAKS lættari

Profileringarskipanin hjá TAKS er í gerð. Hon verður klár at brúka um nakrar mánaðir. 

Tó er ikki komið á mál við profileringarskipan til farmaflutning. 

Tað sigur Ruth Vang, landsstýrsikvinna, í svari til Anniku Olsen, løgtingskvinnu.

Ein profileringarskipan er ein KT-skipan, sum skipar upplýsingar hjá TAKS um ferðafólk og frakt. 

Hetta ger eftirlitsarbeiðið nógv lættari og beinraknari, sigur landsstýriskvinnan.

Skipanirnar hjá TAKS eru føroyskar, og tí er trupult at brúka somu skipanir sum í grannalondunum.

Tað er tí helst neyðugt at menna eina føroyska skipan, sigur landsstýriskvinnan.

Taks, TAKS

Útgerð er dagførd

TAKS hevur dagført skannarar og aðra útgerð, sigur hon eisini. 

Nýtt eftirlitshøli hjá TAKS, har Norrøna leggur at, og bingjuskannari vera klár næsta summar.

Hon sigur, at í fíggjarlógaruppskotinum fyri 2026 er biðið um serstaka játtan til nýggja útgerð til eftirlitshølini í nýggju farstøðini í Havn.

Men tað er ongan veg komið at dagføra eftirlitshølini hjá TAKS á flogvøllinum. 

TAKS ætlar at uppraðfesta toll í 2026, sigur Ruth Vang.

Heildarætlanin um at fyribyrgja og tálma rúsevnismisnýtslu er 135 síður. Hon kom 18. mars í 2022.

58 tilmæli eru í heildarætlanini, og tey skulu setast í verk so líðandi til 2028.