Smápartafelagið í Leitinum farið í sjálvbodna likvidatión

Smápartafelagið í Leitinum er farið í sjálvbodna likvidatión, og eitur nú smápartafelagið í Leitinum í likvidatión, sambært Skrásetingini.

Likvidator, avtøkustjóri, er Bjarni Arnason.

Hann sigur, at tey, sum hava krøv móti felagnum, vera biðin um innan tríggjar mánaðir at boða frá kravi sínum.

Smápartafelagið Í Leitinum var felagið, sum eftir ætlan skuldi at byggja 180 íbúðir í Saltangará.

Men tann ætlanin varð av ongum, og Runavíkar kommuna arbeiðir nú við øðrum ætlanum fyri økið, sum liggur ovast í Saltangará.

Móðurfelag hjá smápartafelagnum í Leitinum var danska felagið St. Jørgen Ejendomme.