Meirilutin í vinnunevndini tekur undir við at flyta fiskidagar millum ár

Javnaðarflokkurin og Tjóðveldi í vinnunevndini taka ikki undir við uppskotinum um at javnseta bólk 5 við hinar bólkarnar, so fiskidagar hjá honum kunnu flytast til árið eftir.

3.000 dagar lupu av hjá bólki 5 í fjør.

Dagarnir hjá bólki 5B í ár vóru uppi  16. oktober.

Bólkur 5A hevði 420 dagar eftir 20. november.

Tingmenninir Árni M. Dam, Jóhannis Joensen, Bárður á Steig Nielsen og Jacob Vestergaard eiga uppskotið, sum skal útvega bátunum í bólki 5B fleiri fiskidagar í ár.

Meirilutin í vinnunevndini tekur undir við uppskotinum.

Vísa til umsitingarætlanina

Minnilutin, Annika Olsen og Uni Holm Johannesen, mælir frá at samtykkja tað.

Tey vísa til umsitingarætlanini, sum vinnan, manningarfeløgini, Havstovan og politiska skipanin eru samd um.  

Og landsstýrismaðurin í fiskivinnumálum hevur boðað frá, at øll skipanin við óbrúktum døgum skal endurskoðast.

Tað skal hon millum annað tí, at ongar avmarkingar eru fyri, hvussu nógvir óbrúktir dagar kunnu flytast millum ár.