Tónin má vera reiðiligari

Aftan á viðgerðina av fosturtøkulógini í farnu viku hava fleiri løgtingsfólk fingið hóttandi boð umvegis sms og á sosialum miðlum. Ein teirra er Bjarni Kárason Petersen, løgtingslimur, sum fekk eina óbeinleiðis hóttan eftir lívinum.

Í morgunsendingini eftirlýsti hann, at tónin má vera virðiligur – eisini inni á tingi.

– Vit í Løgtinginum hava eina ábyrgd at ganga fremst og kjakast virðiliga, hóast bylgjurnar ganga høgar í ávísum málum, segði løgtingsmaðurin, sum vil hava politikarar at ganga undan við góðum fyridømi.

Katrin Thorsvig Hansen, høvuðsákæri, var eisini gestur. Hon greiddi frá, at hóttanir á netinum verða viðgjørdar eins álvarsliga og aðrar hóttanir. Revsingin kann vera harðari, tá talan er um álop á fólk í almennari tænastu, tí hetta verður sæð sum eitt álop á fólkaræðið.

Innslagið í morgunsendingini kann hoyrast her: