- Tíðindi, mentan og ítróttur
Fólkavøksturin størri, tí færri eru flutt av landinum
Fólkavøksturin størri, tí færri eru flutt av landinum
1. november vóru 343 fleiri fólk í Føroyum enn somu tíð í fjør
Fólkavøksturin seinasta árið kom av burðaravlopi, sum var 182 fólk, og nettoflyting, sum var 161 fólk. (Savnsmynd: Hagstovan)
10.12.2025 - 09:32
1. november búðu 54.870 fólk í Føroyum, 0,6 prosent, 343 fólk, fleiri enn 1. november í fjør.
Vøksturin er størri enn undanfarnu tólv mánaðir, millum annað tí, at færri fólk fluttu úr Føroyum.
Fólkatalið kom beint upp um 55.000 í summar, men minkaði aftur eftir fráflytingina í august og september, tá nógv ung fluttu av landinum, skrivar Hagstovan.
Fólkavøksturin seinasta árið kom av burðaravlopi, sum var 182 fólk, og nettoflyting, sum var 161 fólk.
Um tveir triðingar av fólkavøkstrinum seinasta árið var í Tórshavnar kommunu.
Harumframt var fólkavøksturin lutfalsliga stórur í Sjóvar kommunu, Sørvágs kommunu og Sands kommunu.
Fólkatalið minkaði í 12 kommunum, mest í Vága kommuna og í Tvøroyrar kommunu.
Er kopiera
Nýggjastu sendingar í ÚV
Nýggjastu sendingar í SV
