Machado flýddi úr Venesuela til Oslo

Maria Corina Machado, sum fekk friðarheiðursløn Nobels í gjár, er komin til Oslo.

Hóast tað ikki eyndaðist henni at vera við til sjálva handanina, eydnaðist tað kortini Machado at sníkja seg úr heimlandinum, Venezuela, har hon hevur krógvað seg.

Í staðin tók Ana Corina Sosa, dóttur Machado, ímóti heiðurslønini. 

Men í takkarrøðuni avdúkaði dóttirin, at sjálvt um tað ikki bar til hjá Machado at taka ímóti heiðurslønini, so kundi hon siga teimum, at mamman ongantíð brýtur eitt lyfti.

- Tí er tað við stórari gleði í hjartanum, at eg kann siga, at vit um nakrar fáar tímar kunnu fevna hana her í Oslo, segði Ana Corina Sosa, sum ikki hevði sæð mammu sína í tvey ár.

Mariu Corina Machado flýddi sambært Wall Street Journal úr Venezuela til Curaçao í báti týsdagin.

Haðani fór hon við flogfari til Noregs, sum setti seg um midnáttarleitið í gjárkvøldið.

Komin til Oslo, fór hon út á svalan á Grand hotellinum, har veitsla var hildin.