Uppskot um fíggjarligan styrk til fyrsta barnið fær góða undirtøku

Rættarnevndin fer nú at viðgera uppskotið til samtyktar frá Henriki Old, tingmanni, um at fíggjarligan styrk í sambandi við barnsburð.

Hann skjýtur upp, at løgtingið skal heita á landsstýrið um at leggja fram neyðug lógaruppskot við tí endamáli at geva kvinnum, sum eiga fyrstu ferð, eina munandi eingangsupphædd.

Uppskotið fekk fyrstu viðgerð í tinginum í gjár, og framsøgufólkini tóku væl undir við tí.

Henrik Old sigur, at fosturtøkulógin, sum var samtykt herfyri, er orsøkin til, at hann hevur lagt uppskotið fram. 

Hann mælir til, at fíggjarligi styrkurin verður tikin úr Barsilsgrunninum, sum hevur avlop í løtuni.

Hoyr innslag í útvarpstíðindunum: