Týski kanslarin: Nærkast endanum hjá iranska stýrinum

- Tað nærkast endanum hjá iranska stýrinum, sum hevur valdið nú. 

Tað sigur týski samveldiskanslarin, Friedrich Merz, við tíðindastovuna Reuters, í kjalarvørrinum á landsumfatandi mótmælunum í Iran.

646 fólk eru dripin í sambandi við mótmælini, sum byrjaðu 28. desember, vísa tøl frá amerikanska HRANA-stovninum. 

133 teirra eru trygdarvørðar hjá iranska prestastýrinum.

- Eg meti, at hetta eru seinastu vikurnar og dagarnir hjá hesum stýrinum. Tá ið stýrið bert varðveitir valdið gjøgnum harðskap, er tað í roynd og veru um at falla. Fólkið vrakar hetta stýrið, segði Merz  ávitjan síni í India.

Hann sigur, at Týskland er í tøttum samskifti við onnur lond í Evropa og USA, fyri at fylgja støðuni í Iran.