Sendiharri: Russland ongan rætt at krevja Grønland

- Russland hevur ongan rætt til at krevja Grønland.

Tað sigur russiski sendiharrin í Danmark, Vladimir Barbin, í samrøðu við russisku tíðindastovuna Tass, har hann verður spurdur um uppáhaldið hjá amerikanska forsetanum, Donald Trump, um at Russland ella Kina fara at taka ræðið á Grønlandi, um amerikanarar ikki fáa hendur á heimsins størstu oyggj.

- Russland hevur ongar álopsætlanir viðvíkjandi arktisku grannum sínum. Russland hóttir tey ikki við hernaðarligum tiltøkum, leggur ikki trýst á tey og fyrireikar seg ikki til at krevja øki frá teimum, sigur Barbin sambært Ritzau.

Sendiharrin leggur aftrat, at NATO-londini, teirra millum Danmark, "huggykla um eina russiska ella kinesiska hóttan" til at hervaldsgera Arktis.