Søguligi fundurin í Washington skuggaði fyri ríkisfundinum

Hóast øll eygu vóru vend móti søguliga fundinum millum Danmark, Grønland og USA í Washington mikudagin, var eisini ríkisfundur í Keypmannahavn sama dag, og har var spenta støðan millum USA og Grønland á breddanum. 

Vanligt er, at tíðindafundur er aftan á ríkisfundin, men so var ikki hesa ferð.

Í staðin hildu Mette Frederiksen, forsætisráðhari, og Jens-Frederik Nielsen, landsstýrisformaður, felags tíðindafund longu týsdagin, har landsstýrisformaðurin gjørdi greitt, at skal Grønland velja millum Danmark og USA nú, velur Grønland Danmark.

Aksel V. Johannesen, løgmaður, sigur, at bæði Grønland og danska stjórnin eru undir stórum trýsti frá USA í løtuni. Men í Føroyum verður framvegis arbeitt við tjóðarsemjuni, sum fýra flokkar taka undir við, og sum skal endurnýggja viðurskiftini í ríkisfelagsskapinum

Bárður á Steig Nielsen, formaður í Sambandsflokkinum, ávarar ímóti, at Føroyar taka seg úr ríkisfelagsskapinum.

Sí samrøðu, sum Jón Brian Hvidtfeldt gjørdi við Aksel V. Johannesen og Bárð á Steig Nielsen í Degi og viku í gjárkvøldið: