Joensen og Joensen: Dagsins spælari, mál og detalja

ÓIi Mittún var besti spælarin ímóti Sveis, tvífaldi flúgvarin við Eliasi Ellefsen á Skipagøtu, Hákuni West av Teigum og Óla Mittún var dagsins mál, og bjargingin hjá Eliasi Ellefsen á Skipagøtu var dagsins detalja.

Tað hildu í øllum førum viðmerkjararnir í sjónvarpsstovuni hjá Kringvarpinum, Teitur Joensen og Rúni Joensen, eftir hádramatiska javnleikin ímóti Sveis fríggjadagin.

Forkelaðu hondbóltsviðhaldsfólkini

Annars var ivaleyst at velja ímillum í dystinum, sum bylgjaði aftur og fram. Sera nógv góð mál vórðu skotin; ikki minst kanónkúlan hjá Vilhelm Poulsen úr 11 metrum og piruettin hjá Rói Ellefsen á Skipagøtu, sum eisini var fyrsta EM-málið hjá bakspælaranum.

EHF valdi Elias Ellefsen á Skipagøtu til dagsins spælara, og í sjónvarpsstovuni var kappingin eisini ímillum genialu systkinabørnini. Heldur nógvu mistøkini hjá nummar 71 hálaðu niður - kanska risastóru vónirnar til størstu føroysku hondbóltsstjørnuna eisini viðhvørt arbeiða ímóti honum.

Elias Ellefsen á Skipagøtu

Í Undirhondini, har Ingi Olsen metir um avrikini hjá føroysku spælarunum, fekk Óli Mittún eisini hægsta karakterin.

LES EISINI: Undirhondin: Ingi Olsen metir um spælaraavrikini móti Sveis

EHF valdi eisini flúgvaran

Evropeiska hondbóltssamgongan velir eisini bestu mál fyri hvønn dystardag, og eins og hjá Joensen og Joensen var tvífaldi føroyski flúgvarin ovast á listanum. 

Tvífaldi flúgvarin hjá Óla Mittún var besta málið. Sí fimm tey bestu hjá EHF omanfyri.