Strandferðslan letur endurgjald fyri ferðaseðlar

Strandfaraskip landsins fara nú at lata teimum endurgjald, sum siga seg hava goldið ov nógv fyri ferðaseðilin frá 23. juli til og við 17. september í fjør.

Tann 14. november í fjør fekk Strandferðslan eina álvarsliga átalu frá Løgtingsins umboðsmanni um  nýggju ferðaseðlaskipanina, sum kom í apríl í fjør.

Løgtingsins umboðsmaður segði, at Strandferðslan hevði ikki lógarheimild at krevja størri ferðaseðlaprís frá summum ferðandi, tá ferðaseðil var keyptur á staðnum. 

Eftir at Strandferðslan var gjørd varug við mistakið, var mannagongdin broytt 18. september, so øll búsitandi í Føroyum kunnu ogna sær bíligasta ferðaseðilin, hóast tey keypa hann á staðnum.

Fólk, sum halda seg at hava goldið ov nógv, hava rætt til at søkja um endurgjald fyri munin millum staðprís og fastbúgvandi prís, siga Strandfaraskip landsins.

Hvussa hetta skal gerast, sæst her.