Vikugesturin: At fáa tað besta burturúr

- Har havi eg eisini roynt at vera positiv og síggja tað góða í sjálv at vera her - og at føra tað víðari, sum hann kempaði fyri.

Tað eru bara tvey ár síðan, at Elin Heðinsdóttir Joensen, forseti í ÍSF, misti mannin, sum hon hevur fylgst við, síðan tey vóru 18 ára gomul.

- Tað er eingin fasittlisti, og vit eru øll ymisk. Tað, sum vit hava roynt, tað er at standa saman, og vit hava verið øgiliga opin og tosa nógv um Regin.

Elin Heðinsdóttir Joensen hevur verið ÍSF-forseti seinastu 10 árini, og 7. februar verður ítróttarfagnaðurin, har ítróttarfólk, felagsskapir og sjálvboðin verða heiðrað.

Og tað er tað bjartskygda lyndið, sum fólk lýsa Elina við.

- Hon er ein góður vinur, hjálpsom, sera góð í ráðum, ágrýtin, nærløgd og arbeiðssom, sigur Katrin Abrahamsen, ið hevur kent Elina í nógv ár frá arbeiðnum fyri ítróttini.

Elin er ein teirra, sum sjálv hevur arbeitt sum sjálvboðin, síðan hon var heilt ung í Havnar fimleikafelag, og hon vísir á, at tey sjálvbodnu eru grundarlagið undir øllum teimum glæsiligu úrslitunum, vit síggja í hesum døgum.

- Tú fært so nógv aftur, tá ið tú gert sjálvboðið arbeiði, sigur Elin.

Hoyr alla samrøðuna við Elina Heðinsdóttir, forseta í ÍSF, sum í næstum skipar fyri ítróttarfagnaði.

- Eg hugsi um at vera positiv, og eg leggi meg eftir at vera fyrikomandi, so fólk føla seg væl. Og so royni eg altíð at síggja møguleikar heldur enn forðingar. Bæði í mínum arbeiði, fyri ítróttina og privat.