Jens-Frederik og Mette á veg til Týsklands og Fraklands

Formaðurin fyri Naalakkersuisut, Jens-Frederik Nielsen, er á veg til Berlin saman við donsku forsætisráðfrúuni, Mette Frederiksen.

Tað er politiska støðan í heiminum og tørvurin á einum styrktum Evropa, sum eru á dagsskránni, stendur í tíðindaskrivi frá forsætismálaráðnum. 

Jens Frederik-Nielsen, landsstýrisformaður, fer saman við Mette Frederiksen á toppfund í Týsklandi, har týska stjórnin og týskt vinnulív viðgera geopolitisk og búskaparlig evni. 

Eftir hendan fundin og tiltøk, ið hoyra til, fara tey bæði víðari til París, har tey skulu hitta franska forsetan, Emmanuel Macron. Eisini har er trygdarstøðan hjá Evropa á dagsskránni.