Eingin skuldsettur fyri innbrotið í Á-handilin

Eingin er skuldsettur fyri innbrotið í Á-handilin við Landavegin í vesturbýnum í Havn mánanáttina.

Innbrotið var millum klokkan hálvgum tólv sunnukvøldið og klokkan fimm mánamorgunin.

Grannar eru avhoyrdir, men tað gav einki.

Heldur ikki vakmyndatólini geva nakra ábending.

Reiður peningur stolin

Tjóvurin ella tjóvarnir hava brotið ein rút og eru farnir inn á skrivstovuna í handilsbygningunum.

Har hava teir brotið upp pengaskápið og tikið eina størri peningaupphædd í reiðum peningi.

Hvussu nógv, vil politiið ikki siga.

Politiið kannar framvegis málið.