Løgmaður: Lóg skal regulera onnur trúarsamfeløg

Tíðin er búgvin til, at vit gera eina lóg, sum regulerar onnur trúarsamfeløg. 

Málið er fyri stuttum viðgjørt í landsstýrinum.

Avgjørt er at fara undir at gera slíka lóg.  Nær lógaruppskotið kemur í tingið, er ov tíðliga at siga.

Tað sigur Aksel V. Johannesen, løgmaður, í svari til Jenis av Rana, løgtingsmann.

Hann sigur, at sambært grundlógini vera viðurskifti hjá trúarsamfeløgum, sum víkja frá fólkakirkjuni, fyriskipað nærri við lóg. Eingin slík lóg er í Føroyum.

Jenis av Rana, Suðuroyartunnil

Frítekst tagging: 

Jenis av Rana

Suðuroyartunnil

Bjarni Árting Rubeksen

Eiga at banna statsfígging

Løgmaður sigur, at eftir hansara tykki eiga vit at regulera fremmanda fígging og heilt at banna fremmandari statsfígging í hesum sambandi.  

Løgmaður heldur eisini, at komandi lógin skal tryggja, at grundsúlurnar í fólkaræðinum ikki vera hóttar.

Hann er samdur við Jenis av Rana um, at Føroyar eru lítið og viðbrekið samfelag.

Vit eiga at verja føroyska mentan, virði og fólkaræði, sigur Aksel V. Johannesen, løgmaður.

Les alt svarið her.