BirkBlog um Hoydalar: "Framtíðin er í góðum røddum"

"Framtíðin er ikki bara í góðum filmiskum hondum. Hon er eisini í góðum røddum!"

Soleiðis endar Birgir Kruse, mentanarmiðlari, sítt ummæli av fyrsta parti av nýggju tónleikasendirøðini Hoydalar í Kringvarpi Føroya. 

Í grundini er kanska skeivt at kalla greinina hjá Birgiri Kruse fyri eitt ummæli, tí tað er eisini ein raportasjuferð handan leiktjaldið á Hoydalar. 

Birgir Kruse var gestur til upptøkurnar av fyrsta partinum, har Martin Joensen var stjørnan, ið teir seks spírarnir, Bjarki, Emma, Anna Lovisa, Filip, Jóhanna og Filip, skuldu tulka. 

Birgir Krusen, mentanarmiðlari, og Martin Joensen, tónlistamaður, skifta orð millum upptøkurnar av fyrsta parti av Hoydalar, sum bleiv sendur í sjónvarpinum í kvøld (Mynd: Bjarni Árting Rubeksen)

 

Takk fyri

Birgir Kruse skrivar í sínum ummæli av fyrsta parti av Hoydalar: 

"Í kvøld var tað Martin Joensen, sum kom inn av gøtuni gjøgnum síðuhurðina, so perspektivið av klassisku auluni verður forskotið og funktionelt nýtulkað. Strategiskt væl hugsað til film. Í gongini standa barndómsmyndir av teim fimm, sum verða nýtulkað við sangum í Hoydølum, tvær kvinnur og tveir menn. Tey verða kunngjørd so hvørt. Greiddleikin er sjónliga settur upp á fotohillina, nú vit byrja uppá fyrstu sendingina."

Mynd: Bjarni Árting Rubeksen

 

Birgir Kruse endar sítt ummælið við:

"Takk fyri fyrstu sjónvarpssendingina úr Hoydølum í kvøld, Per (Zachariassen), Martin (Joensen) og øll tit mongu, og eisini fyri høvið at kaga innum í auluni í steindeyða studentaskúlanum, sum livnaði upp aftur henda dag í august, og har síggja eina vælskipaða framleiðslu í gongd, og at hoyra um avriksnæmingar í okkara egnu skúlum og samkomum." 

 

LES ALT UMMÆLIÐ HJÁ BIRGIR KRUSE HER

 

 

Hvat: Hoydalar
Hvar: Í sjónvarpinum og á KVF Sjón
Nær: Hóskvøld kl. 19.30, og tá tað passar tær á KVF Sjón