Mette og Jens-Frederik hitta amerikanska uttanríkisráðharran

Mette Frederiksen, forsætisráðharri, og grønlendski landsstýrisformaðurin, Jens-Frederik Nielsen, fara at hitta amerikanska uttanríkisráðharran, Marco Rubio, á trygdarráðstevnuni í München í dag.

Umleið 60 ríkis- og stjórnarleiðarar, fleiri enn 70 uttanríkisráðharrar og 30 verjumálaráðharrar eru við á árligu trygdarráðstevnuni.

USA, Grønland, Ukraina og herdubbing í Evropa eru millum málini, sum standa ovast á breddanum.

Sí videobrot frá TV2 við Jens-Frederik Nielsen:

Aksel V. Johannesen

Løgmaður eisini við

Aksel V. Johannesen, løgmaður, er eisini við á trygdarráðstevnuni í München.

Løgmaður verður millum annað við á pallborðsfundi um trygd í Arktis.

Hendan ráðstevnan var fyrstu ferð í 1963.

Hetta er triðju ferð, at landsstýrið er boðið við.