Hava fiskað alla norðhavssildina í norskum sjógvi

Føroysku uppsjóvarskipini hava longu fiskað nærum alla kvotuna av norðhavssild.

Hetta er skjótt sammett við undanfarin ár. 

Fremsta orsøkin er, at tað hevur hilnast so væl at fiska í norskum sjógvi, sigur felagið Nótaskip.

Kvotan ein triðing størri

Kvotan er 53.391 tons, ein triðing størri enn í fjør.

Eftir vóru 43.000 tons til føroysk skip, tá onnur lond høvdu fingið sítt.

Nakað av óbrúktari kvotu frá í fjør var flutt til í ár.

42.000 tons eru fiskað.

Plaga eisini at fiska í íslendskum sjógvi

Uppsjóvarskipini plaga at fiska norðhavssild í íslendskum sjógvi um heystið. 

Men fiskiveiðisáttmálin við Ísland í ár er higartil bara galdandi til 1. august.

Tí er tað hugaligt, at nærum øll kvotan av norðhavssild longu er fiskað, siga Nótaskip.