Ukraina framt álop inni í Russlandi

Ukrainska blaðið Kyiv Independent skrivar, at talan er um verksmiðjuna Votkinsk, sum er ein av týdningarmiklastu verksmiðjunu í Russlandi.

- Dronuálopið var á eina verksmiðja í Udmurtia-landspartinum. Tað hevur elvt til skaðar og fólkaskaðar, skrivar Aleksandr Brtsjalov, guvernørur, á Telegram.

Verksmiðjan framleiðir bæði stuttrøkkandi ballistiskar rakettir av slagnum Iskander-M, sum ofta verða brúktar í álopum á Ukraina, og langtrøkkandi ballistiskar rakettir, sum kunnu vera útgjørdar við kjarnorkustríðhøvdum og kunnu røkka USA, skrivar Kyiv Independent. Verksmiðjan framleiðir møguliga eisini nýggju hypersonisku Oreshnik-rakettina, skrivar blaðið.

Ukraina hevur ikki váttað upplýsingarnar um álopið, men Andriy Kovalenko, sum stendur á odda fyri ukrainska miðstøðini at berja niður falstíðindi og situr í trygdarráðnum í Ukraina, rør framundir, at eitt álop hevur verið.

- Søgur siga, at Votkinsk-verksmiðjan er í sorg, skrivar hann í boðum á Telegram.