Miðflokkurin vil fyrst og fremst koppa "abort-samgonguni"

Miðflokkurin vil fegin hava ein Suðuroyartunnilin. Men Miðflokurin stríðist fyrst og fremst fyri at koppa "Abort-samgonguni", sum Jens av Rana, formaður floksins, kallar sitandi samgongu. 

Tað merkir, at um tinglimir Miðfloksins, ið eru Jenis av Rana og Steffan Klein Poulsen, enda við at gerast tungan á vágskálini, so fara teir at atkvøða ímóti Suðuroyartunlinum, fyri at sparka beinini undan samgonguni hjá Akseli V. Johannesen, løgmanni. 

1. juli skal nýliga samtykta fosturtøkulógin koma í gildi, og tað er ein deadline, ið Miðflokkurin arbeiðir við politiskt. 

"Tað hevði verið ein stórur dreymur at koppa samgonguni nú, tí so kunnu vit broyta eina lóg, sum fer at koma í gildi, heldur enn at broyta eina lóg, ið er komin í gildi."

Hoyr samrøðuna við Jenis av Rana, sum var í tíðindunum.