Danski verjumálaráðharrin vil gera upp við kjarnorkuvápnapolitikkin

Danski verjumálaráðharrin, Troels Lund Poulsen, vil fegin samráðast um danska samfígging, ella skipa goymslu til kjarnorkuvápn á danskari jørð.

Tað segði hann við Politiken, tá hann í gjár vitjaði høvuðsstaðin í Ukraina, Kyiv, í sambandi við fýra ára dagin fyri kríggið í Ukraina.

- Við hesum er ikki sagt, at eg haldi, at tað skal gerast beinanvegin. Men eg eri opin fyri at tosa um allan karmin kring okkara kjarnorkupolitikk í tí støðu, vit eru í. Bæði í hvat viðvíkir fígging og orku, sigur hann við Politiken.

Hann ásannar, at tað fer at krevja, at Danmark ger upp við danska kjarnorkuvápnapolitikkin, sum seinastu 70 árini hevur verið, at kjarnorkuvápn eru bannað á danskari jørð.