Talgildur aðalfundur

Aðalfundirnir hjá Føroya banka skulu kunna vera talgildir.

Tað er uppskot frá nevndini til aðalfundin hjá bankanum 26. mars, sjálvan valdagin.

Nevndin hevur uppskot um, at vinningsbýtið verður 202 mió. kr.

Tað svarar til 21 krónur og fýra oyru fyri hvørt partabræv á nominelt, áljóðandi, 20 kr. 

Nevndin mælir til at velja Birgir Durhuus, Annfinn Vitalis Hansen og Árna T. Rasmussen aftur í nevndina.

Størri samsýning

Hon mælir til at hækka nevndarsamsýningina, so formaðurin fær 630.000 kr. í ár.

Hann fekk 540.000 kr. í fjør.

Næstformaðurin eigur at fáa 420.000 kr., hann fekk 360.000 kr.

Og hini í nevndini eiga at fáa 210.000 kr., heldur nevndin.

Tey fingu 180.000 kr. í fjør.