Landsrætturin staðfesti dóm um kynsligan ágang

Eystari landsrættur staðfesti dómin móti einum 38 ára gomlum manni, sum var dømdur í Føroya rætti fyri kynsligan ágang móti 12 ára gamlari gentu.

Hetta var, sambært ákæruritinum, í 2007.

Talan er um grein 222 í revsilógini, sum er um samlegu við barn undir 15 ár.  

Maðurin fekk níggju mánaða fongsulsrevsing.

Tríggir mánaðir eru treytaðir.

Maðurin noktaði seg sekan.

Hann er eisini dømdur at rinda 40.000 kr. í endurgjaldi fyri kynsliga ágangin.