Tøgn: "Sig mær" er ein fosturlandssangur

Føroyski super-dreingjabólkurin Tøgn hevur kunngjørt bæði nýggja staklagið, "Sig mær", og ein nýggjan bólkalim, Filip Zachariassen. 

Filip legst afturat hinum trimum, sum eru Bárður Petersen, Beinir Troest Rasmussen og Jónas Gaard. 

Men hví hesa broyting? Og hvat kunnu vit vænta okkum frá bólkinum, nú annað staklagið hjá Tøgn er tøkt?

LES EISNI: Tøgn tegir ikki: "Sig mær" eitur nýtt staklag hjá føroyska dreingjabólkinum

Hví hava tit valt at innlima Filip Zachariassen í bólkin? Og hvussu ávirkar tað úttrykkið hjá Tøgn?

»Filip Zachariassen er fyrst og fremst komin uppí bólkin fyri hansara dygdir sum tónleikari. Filip kemur við einum eyga fyri smálutum, sum bæði avbjóðar og lyftir okkum sum bólk. Tað kendist rætt frá byrjan, eins og hevur hann altíð verið partur av ljóðinum hjá Tøgn. Sigast skal eisini, at Filip er ein av okkara bestu vinmonnum.«

Hvat er "Sig mær" fyri ein sangur? Og hvat snýr hann seg um?

»Vit eru allir útisetar, og tað er ikki eitt ókent fyribrigdi, at eingin kennir seg meira sum føroying enn føroyingar í útlegd. Mátturin í góða lívinum í Danmark og saknurin til Føroyar fylla bæði nógv. 'Sig mær' er sprottin burtur úr samanrenningini av hesum fyribrigdum. Sangurin er okkara boð uppá ein fosturlandssang. Vit hava nógvar fantastiskar føroyskar fosturlandssangir, og tað er ikki av tilvild.  Føroyar eru fantastiskar.«

Hvat kunnu vit vænta okkum frá Tøgn?

»Vit arbeiða ímóti eini heildarutgávu, sum eftir ætlan skal gevast út í 2027. Mann kann vænta sær sangir, sum eru skrivaðir á gerandismáli, við inniligum og erligum teksti. Tónleikurin flytur seg frá reinum poppið til inniligt indie/popp.«