Lutakast: Hondbóltsmenninir sleppa undan fleiri tungum tjóðum

Føroysku hondbóltsmenninir eru í næstovasta styrkisbólki, tá lutakastið til komandi EM-undankappingina verður í Lissabon hósdagin.

Tað merkir, at Føroyar sleppa undan fleiri sterkum tjóðum sum til dømis Portugal, Hollandi, Norðurmakedónia og Eysturríki. Styrkismetingin byggir á fýra tær seinastu kappingarnar hjá EHF.

Styrkisbólkarnir til lutakastið

Bólkur 1: Kroatia, Frakland, Týskland, Ungarn, Ísland, Noreg, Slovenia, Svøríki

Bólkur 2: Eysturríki, Kekkia, Føroyar, Italia, Norðurmakedonia, Niðurlond, Pólland, Serbia

Bólkur 3: Belgia, Bosnia-Hersegovina, Georgia, Grikkaland, Litava, Montenegro, Rumenia, Ukraina

Bólkur 4: Estland, Finnland, Ísrael, Kosovo, Lettland, Luksemborg, Slovakia, Turkaland

Tvey tey fremstu liðini úr hvørjum bólki og fýra teir bestu av átta trý´arunum koma víðari til EM-endaspælið í januar 2028, sum verður í Sveis, Spania og Portugal.

Tað er longu greitt, at um Føroyar vinna seg til endaspælið skulu Føroyar spæla innleiðandi bólkaspælið í Lissabon.