- Tíðindi, mentan og ítróttur
Kongur fær nú uppskot um, hvør skal vera samráðingarleiðari
Kongur fær nú uppskot um, hvør skal vera samráðingarleiðari
Allir 12 flokkarnir, sum stillaðu upp til fólkatingsvalið í Danmark, hava fingið umboðan
Javnaðarflokkurin hjá Mette Frederiksen hevði stóra afturgongd á valinum í gjár.
Mynd: Ritzau Scanpix
25.03.2026 - 08:54
Um eina løtu, eitt korter til tíggju, fer Mette Frederiksen, forsætisráðharri, til kong at greiða frá valúrslitinum, og hvussu politiska landið liggur.
Síðani fer forsætisráðharrin at heita á kong um at bjóða forfólkunum í flokkunum á gátt.
Tey skulu hvør í sínum mæla kongi til, hvør skal standa á odda fyri samráðingunum at skipa stjórn.
Lars Løkke Rasmussen, formaður í Moderatunum, er í lyklastøðu eftir fólkatingsvalið í gjár. (Mynd: Ritzau Scanpix)
Floksforfólkini eru 12 í tali - tí allir flokkar, sum stillaðu upp, hava fingið umboð í fólkatingið. Men enn hava øll ikki sagt, hvønn tey vísa á.
Í Danmark fekk reyði vongurin 84 sessir og tann blái 77.
Har ímillum eru Moderatarnir hjá Lars Løkke Rasmussen, sum hava 14 sessir.
Formaðurin í Moderatunum er tí komin í eina lyklastøðu.
Er kopiera
Nýggjastu sendingar í ÚV
Nýggjastu sendingar í SV
