Verið hjá IMO við føroyskari sløkkiskipan

Kemur eldur í ein elbil, so verður eldurin óvanliga heitur. So heitur, at vanligir mátar at sløkkja ikki virka serliga væl. Føroyskt menta sløkkiskipanin Battery Briner, er ment til at loysa júst tann trupulleikan.

Bjarni í Dali, verkfrøðingur hjá Battery Briner, greiðir frá, at seinasta mánað vóru umboð fyri Battery Briner í London til ráðstevnu hjá IMO og greiddu frá sløkkiskipanini. Vónin er, at skipanin verður góðkend av IMO komandi árini, og at hon fer at verða tikin í brúk, bæði á skipum og á landi.

Sjálvt um skipanin hevur víst seg at virka væl, so er enn bara eitt skip, sum brúkar Battery Briner. Og hon kann eisini brúkast á landi.

Hoyr samrøðu úr tíðindunum.