- Tíðindi, mentan og ítróttur
Føroyar hava innflutt fyri nærum 11 milliardir krónur seinasta árið
Føroyar hava innflutt fyri nærum 11 milliardir krónur seinasta árið
Innflutningsvirðið hjá matvørum vaks 11,3 prosent. Brennievni kostaðu 7,6 prosent minni, men hetta var áðrenn, USA leyp á Iran
Tilvildarlig savnsmynd
Mynd: Bjarni Árting Rubeksen
16.04.2026 - 10:12
Føroyar innfluttu fyri nærum 11 milliardir krónur frá mars í fjør til februar í ár.
Tað eru 712 milliónir krónur, 6,9 prosent, meira enn frá mars 2024 til februar 2025, skrivar Hagstovan.
Innflutningsvirðið hjá matvørum vaks 11,3 prosent.
Brennievni kostaðu 7,6 prosent minni. Men hetta var áðrenn, USA leyp á Iran.
Útflutningurin størri
Útflutningur var størri enn innflutningurin.
Hann var 13,7 milliardir krónur, vøksturin er 1,4 milliardir krónur.
Seks lond keypa fiskavørur fyri yvir eina milliard krónur um árið úr Føroyum.
Tey eru USA, Danmark, Spania, Bretland, Niðurlond og Russland.
Útflutningurin til Russlands minkaði tó 91 milliónir krónur sammett við 2024-2025.
Er kopiera
Nýggjastu sendingar í ÚV
Nýggjastu sendingar í SV
