- Tíðindi, mentan og ítróttur
Asbest funnið í leikum

Fleiri sløg av fidget-leikutoyi, eisini nevnt strekkileikutoy, kunnu innihalda asbest og verða tí tikin aftur av danska marknaðinum.
Tað skrivar danska umhvørvisstýrið í einum tíðindaskrivi.
Kemikaljueftirlitið hjá danska umhvørvisstýrinum hevur fingið fleiri fráboðanir frá fyritøkum, sum hava staðfest, at asbest er í fylluni í hesum leikutoyi.
Talan er millum annað um leikutoyini Stretcherz Slammerz, Stretcherz Stretch Squad XXL og Pufferz YoYo.
Umrøddu vørurnar eru frá framleiðarunum Toi-Toyz, HTI Group og Toys Amsterdam.
Í núverandi løtu er ikki greitt, um hesar vørur eisini eru seldar í Føroyum, men danska umhvørvisstýrið mælir fólki til at burturbeina vøruna á rættan hátt skjótast gjørligt.
Her eru nakrar av leikunum, sum eru tiknar aftur:
Mynd: Toi-Toyz Pufferz YoYo, model-nummar: 35886Z, strikkota: 8714627012316. Framleiðari: Toi-Toyz B.V.
Mynd: HTI Toys Stretch Squad, produktnr.: 1376624, strikkota.: 5050837662419. Framleiðari: HTI Group.
Mynd: HTI Toys Stretcherz Stretch Squad XXL, produktnr.: 1350093, strikkota.: 5050835009346. Framleiðari: HTI Group.
Superstræk gorilla XXL, prduktnr.: 1201, strikkota: 8713219504949. Framleiðari: Toys Amsterdam.
Gorilla superstræk, produktnr.: 120065, strikkota: 8713219480632. Framleiðari: Toys Amsterdam.






























