Frágreiðing: Alingin í Noregi dálkar líka sum tíggjutals milliónir fólk

Køvievni, nitrogen, frá norsku fiskaalingini dálkar norskar firðir og strendur nærum líka nógv, sum at spillvatn frá tíggjutals milliónum fólkum hvørt ár fer beinleiðis á sjógv, vísir frágreiðing frá privatu miðstøðini Sunstone Institute, skrivar The Guardian.

Skarn frá fiski hevur ikki somu tarmbakteriur sum frá menniskjum, so vandin fyri at gerast sjúkur er minni, men útlátið økir um vandan fyri, at algur blóma og at súrevnisstigið í sjónum minkar.

LES EISINI: Norwegian fish farms polluting fjords with waste likened to ‘raw sewage of millions of people’

Fiskaaling er týdningarmesta keldan til køvievni, nitrogen, og onnur føðsluevni í sjónum. 

Men landbúnaður, kloakk og ídnaður stuðla eisini, skrivar The Guardian.

- Øll matvøruframleiðsla setur spor í umhvørvið, og vit arbeiða áhaldandi við at gera tað fótasporið so lítið sum gjørligt, sigur Krister Hoaas, politikk- og samskiftisleiðari hjá Sjømat Norge, við norska miðilin VG.